பொலிஸ் வன்முறை தாக்குதலையும் மீறி ஜனநாயக சீர்திருத்தங்களுக்கான தாய்லாந்து போராட்டங்கள் தொடர்கின்றன

Peter Symonds
20 November 2020

மொழிபெயர்ப்பின் மூலக் கட்டுரையை இங்கே காணலாம்

முந்தைய நாள் ஆர்ப்பாட்டக்காரர்களுக்கு எதிராக பொலிஸ் நீர் பீரங்கி மற்றும் கண்ணீர்ப்புகைக் குண்டுகளைப் பயன்படுத்திய பின்னரும் ஜனநாயக சீர்திருத்தங்களைக் கோரி வரும் ஆயிரக்கணக்கான இளைஞர்கள், தாய்லாந்தில் நேற்று தொடர்ந்து எதிர்ப்புத் தெரிவித்தனர். துப்பாக்கிச் சூட்டுக் காயங்களுடன் ஆறு பேர் உட்பட குறைந்தது 55 பேர் செவ்வாய்க்கிழமை மருத்துவமனையில் சிகிச்சை பெற்றுள்ளனர்.

பல மாதங்களாக நீடித்த போராட்டங்கள், 2014 ல் ஆட்சி கவிழ்ப்பில் அதிகாரத்தைக் கைப்பற்றிய இராணுவ ஆட்சிக் குழுவால் வரையப்பட்ட நாட்டின் ஜனநாயக விரோத 2017 அரசியலமைப்பைத் திருத்துவதற்கான ஏழு பிரேரணைகளை தாய் தேசிய சட்டமன்றம் பரிசீலித்ததை கருத்தில்கொண்டது. ஆட்சி கவிழ்ப்புத் தலைவரும் இப்போதைய பிரதமருமான இராணுவத் தலைவர் பிரயுத் சான்-ஓச்சா எதிர்க் கட்சிகளின் ஆதரவைப் பெறுவதற்கும், நடந்து வரும் ஆர்ப்பாட்டங்களை தணிப்பதற்கும் "தேசிய ஆலோசனை" ஒன்றுக்கு தூண்டுதலளித்தார்.

அக்டோபர் 15, 2020 அன்று தாய்லாந்தின் பாங்காக்கில் ஒரு சந்திப்பில் கூடிவந்தபோது எதிர்ப்பாளர்கள் ஒரு பிரதான சாலையை ஆக்கிரமித்துள்ளனர் [நன்றி: AP புகைப்படம் / சக்காய் லலித்]

அரசியல் ரீதியாக பலபடித்தான தன்மை கொண்ட எதிர்ப்பு இயக்கம், ஒரு புதிய அரசியலமைப்பு, பிரயுத்தின் இராஜினாமா, மற்றும் முடியாட்சியைக் கட்டுப்படுத்தும் நடவடிக்கைகள் ஆகிய கோரிக்கைகளை மையமாகக் கொண்டுள்ளது. முடியாட்சியை அவமதிப்பதாகக் கருதப்படும் எவரும் 15 ஆண்டுகள் வரை சிறையில் அடைக்கப்படக்கூடிய கடுமையான தேசத்துரோக சட்டத்தை (lèse majesté law) இரத்து செய்வதும் இதில் அடங்கும்.

தேசிய சட்டமன்றம் 500 இருக்கைகள் கொண்ட மாளிகை மற்றும் 250 இருக்கைகள் கொண்ட செனட்டின் கூட்டுக் கூட்டமாக கூடியது — முன்னயது 2019 இல் தேர்ந்தெடுக்கப்பட்டது, பிந்தையது இராணுவ நியமனங்களை கொண்டது. எந்தவொரு பிரேரணைக்கும் கூட்டு அமர்வின் பெரும்பான்மை மட்டுமல்ல, செனட்டின் மூன்றில் ஒரு பகுதியினரின் ஆதரவும் தேவை, இது பிரயுத் மற்றும் உயர்மட்ட இராணுவத் தலைவர்களின் ஆதரவு இல்லாமல் நிறைவேறாது என்பதை உறுதிசெய்கிறது.

ஏழு பிரேரணைகளில் இரண்டு மட்டுமே நேற்று நிறைவேற்றப்பட்டன, ஒரு வரையறுக்கப்பட்ட நோக்கத்துடன் அரசியலமைப்பு வரைவுக் குழுவையும் அமைக்கும். குறிப்பாக, இராணுவம் தொடர்பான அரசியலமைப்பின் உட்பிரிவுகளை மாற்ற எந்த ஆணையும் அதற்கு இருக்காது. அரசியலமைப்பின் அனைத்து அம்சங்களையும் மாற்ற அனுமதிக்கும் இணைய சட்ட சீர்திருத்த உரையாடல் (iLaw) இயக்கம் தோற்கடிக்கப்பட்டது. நிறைவேற்றப்பட்ட இரண்டு பிரேரணைகளில் இன்னும் இரண்டாவது மற்றும் மூன்றாவது வாக்குகளால் அங்கீகரிக்கப்பட வேண்டும், பின்னர் மன்னர் மகா வஜிரலோங்க்கோர்ன் ஆல் அங்கீகரிக்கப்பட வேண்டும்.

சட்டமன்ற உறுப்பினர்களில் செல்வாக்கு செலுத்தும் நோக்கில் தேசிய சட்டமன்ற கட்டிடத்திற்கு வெளியே நடைபெற்ற பேரணியில் செவ்வாய்க்கிழமை ஆயிரக்கணக்கான எதிர்ப்பாளர்கள் கூடியிருந்தனர். ஆர்ப்பாட்டக்காரர்கள் தடுப்புகளை உடைத்து சட்டமன்றத்தின் மைதானத்திற்குள் நுழைய முயன்றதைத் தொடர்ந்து பொலிசார் தண்ணீர் பீரங்கியைத் திருப்பினர். போராட்டக்காரர்கள் மீது கற்களையும் பிற பொருட்களையும் வீசிய முடியாட்சி சார்பு ஆதரவாளர்களுடனும் மோதல்கள் வெடித்தன.

மூன்று எதிர்ப்பாளர்கள் சுட்டுக் கொல்லப்பட்டதாகவும், இருவர் கால்கள் உடைந்ததாகவும் Free Youth group இன் தலைவரான பனுமாஸ் “ஜேம்ஸ்” சிங்புரோம் கூறினார். பொலிசார் உண்மைக் குண்டுகளை சுடவில்லை எனக் கூறினர், ஆனால் ஒரு எதிர்ப்பாளர் தொடையில் சுட்டுக் கொல்லப்பட்டதை உறுதிப்படுத்தினர், மேலும் ஒரு வழிப்போக்கரும் இடுப்பில் சுட்டுக் கொல்லப்பட்டார். ஆறு பேருக்கு துப்பாக்கிச் சூட்டுக் காயங்கள் ஏற்பட்டுள்ளதாகவும், மூன்று பேர் மருத்துவமனையில் தங்கியுள்ளதாகவும் Erawan அவசர சேவைகள் தெரிவித்துள்ளன.

காவல்துறையினர் பின்வாங்கிய பின்னர் துப்பாக்கிச் சூடு நடந்ததாக சில தகவல்கள் சுட்டிக்காட்டுகின்றன, காவல்துறையினரும் இராணுவத்தினரும் ஆத்திரமூட்டும் நபர்களைப் பயன்படுத்தியதாக பதிவு உள்ளது. முடியாட்சி சார்பு ஆதரவாளர்களுடன் ஏற்பட்ட மோதல்கள், எதிர்ப்பாளர்களை அச்சுறுத்தும் முயற்சியில் அவர்களை நோக்கி துப்பாக்கிகளைத் திருப்புவதற்குப் பயன்படுத்தப்பட்டிருக்கலாம், மேலும் இராணுவ ஆதரவுடைய அரசாங்கத்தால் மிகவும் ஆக்கிரோஷமான ஒடுக்குமுறையைத் முன்வைக்க முடியும்.

ஜனநாயக-சார்பு எதிர்ப்பாளர்கள் மீதான வன்முறைத் தாக்குதல்கள் நேற்று ஒரு பெரிய திருப்பத்தைத் தூண்டின. புதன்கிழமை மாலைக்குள், 10,000 க்கும் மேற்பட்ட ஆர்ப்பாட்டக்காரர்கள் பாங்காக்கில் ஒரு போலீஸ் தலைமையக கட்டிடத்தை சுற்றி வளைத்து, நீல, மஞ்சள் வண்ணங்களால் தெளிக்கப்பட்டது - முந்தைய நாள் வேதியியல் கலந்த நீரால் எதிர்ப்பாளர்களை நோக்கி சுடப்பட்டன.

செவ்வாய்க்கிழமை தேசிய சட்டமன்றத்தில் என்ன நடந்தது என்பதை அறிந்த பின்னர் புதன்கிழமை நடைபெறும் பேரணியில் கலந்து கொள்ள முடிவு செய்ததாக 20 வயதான பொறியியல் மாணவர் Sucharn Thoumrungroje தெரிவித்தார். "அரசு தனது மக்களுக்கு எதிராக பலத்தை பயன்படுத்தியது ஏற்றுக்கொள்ள முடியாதது என்று நான் நினைக்கிறேன்," என்று அவர் அசோசியேட்டட் பிரஸ்ஸிடம் கூறினார். "பேரணிகளில் பங்கேற்பதில் அபாயங்கள் உள்ளன என்பதை நான் புரிந்துகொள்கிறேன், ஆனால் நாங்கள் பயப்படவில்லை என்பதைக் காட்டவும், எங்கள் கோரிக்கைகளில் உறுதியாக நிற்கவும் என்னால் முடிந்தவரை வருவேன்."

ஆர்ப்பாட்டம் வெடிப்பதற்கு முன்னர், நவம்பர் 25 ஆம் தேதி முடிக்குரிய சொத்து பணியகத்தின் அலுவலகங்களில் ஒரு பெரிய எதிர்ப்பு அறிவிக்கப்பட்டது, இது தாய்லாந்தின் அரச அரண்மனையின் பரந்த இருப்புக்களை நிர்வகிக்கிறது. இதன் வளங்கள், மன்னர் மகா வஜிரலோங்க்கோர்ன் கட்டுப்பாட்டில் உள்ளன, இதன் மதிப்பு 40 பில்லியன் டாலருக்கும் அதிகமாக இருக்கும் என்று மதிப்பிடப்பட்டுள்ளது.

குறிப்பாக பாரம்பரிய பாங்காக் உயரடுக்கினரால் -முடியாட்சி, இராணுவ மற்றும் அரசு அதிகாரத்துவம்- தங்கள் அரசியல் ஆதிக்கத்தைத் தக்க வைத்துக் கொள்ள பயன்படுத்தும் ஜனநாயக விரோத வழிமுறைகளுக்கு, இளைஞர்களிடையே உள்ள ஆழ்ந்த விரோதப் போக்கை நீடித்த ஆர்ப்பாட்டங்கள் பிரதிபலிக்கின்றன. இராணுவம், முடியாட்சியின் ஆதரவோடு, 2006 மற்றும் 2014 ஆம் ஆண்டுகளில் ஜனநாயக ரீதியாக தேர்ந்தெடுக்கப்பட்ட அரசாங்கங்களை வெளியேற்றியது - முதலாவது பில்லியனர் தொழிலதிபர் தக்ஸின் ஷினாவத்ரா தலைமையிலானது, இரண்டாவது அவரது சகோதரி யிங்லக் ஷினாவத்ரா தலைமையிலானது.

தற்போதைய அரசாங்கம், இராணுவத்திற்கும் அதன் நட்பு நாடுகளுக்கும் ஒரு மெல்லிய மறைப்பான முன்னணியாக இருப்பதை தவிர மேலதிகமாக ஒன்றுமில்லை. மேலும், அவர் பிரதமராவதற்காக இராணுவத் தளபதி பதவியில் இருந்து விலகியபோதும், பிரயுத் ஒருபோதும் தேர்ந்தெடுக்கப்படவில்லை. 2017 அரசியலமைப்பில் அனுமதிக்கப்பட்டபடி, தேசிய சட்டமன்றத்தின் கூட்டுக் கூட்டத்தினால் அவர் “வெளியிலிருந்து பிரதமராக” நியமிக்கப்பட்டார்.

பாரம்பரிய உயரடுக்கினாலும் அவர்களது வணிக கூட்டாளிகளாலும் தமது நலன்கள் விரக்தியடைந்துள்ள தாய் ஆளும் வர்க்கத்தின் ஒரு தட்டை, ஷினாவத்ராக்களும் அவர்களின் பியூ தாய் கட்சியும் (Pheu Thai party) பிரதிநிதித்துவப்படுத்துகின்றன. 2019 தேர்தலில், இளம் வாக்காளர்கள் தனதோர்ன் ஜுவாங்ரூங்ருவாங்கிட் நிறுவிய Future Forward Party (FFP) ஐ ஆதரித்தனர், இந்த ஆண்டு தொடக்கத்தில் தனதோர்ன் பாராளுமன்றத்தில் இருந்து தகுதி நீக்கம் செய்யப்பட்டார், மேலும் FFP கலைக்கப்பட்டது. அதன் எம்.பி.க்கள் இப்போது Move Forward Party (MFP) ஐ அமைத்துள்ளனர்.

இரு எதிர்க்கட்சிகளும் இராணுவ ஆதரவு ஆட்சியில் இருந்து சலுகைகளைப் பெறுவதற்காக போராட்டங்களை சுரண்ட முயல்கின்றன. இருப்பினும், ஆளும் வர்க்கத்தின் இந்த எதிர்ப்பு அடுக்குகள், இராணுவத்தை விடவும் தொழிலாள வர்க்கத்தின் வெகுஜன இயக்கத்தைத் தூண்டும் மாணவர் ஆர்ப்பாட்டங்களையிட்டு மிகவும் அஞ்சுகின்றன. மேலும், எந்தவொரு கட்சிக்கும் அடிப்படை ஜனநாயக உரிமைகள் மற்றும் உழைக்கும் மக்களுக்கான மேம்பட்ட வாழ்க்கை நிலைமைகளுக்கு எந்த அர்ப்பணிப்பும் கிடையாது. பதவியில் உள்ள, தாக்சின் ஷினாவத்ரா சந்தை சார்பு மறுசீரமைப்பை திணிப்பதற்கும், ஒரு கொலைகார "போதைப்பொருட்களுக்கு எதிரான போரை" தூண்டுவதிலும் இழிபெயர்பெற்றவர்.

ஒரு தெளிவான அரசியல் முன்னோக்கு இல்லாமையே மாணவர் இயக்கம் எதிர்கொள்ளும் ஆபத்தாக உள்ளது. உலகெங்கிலும் உள்ளதைப் போலவே, ஜனநாயக உரிமைகளுக்கான போராட்டமும் முதலாளித்துவத்தை ஒழிப்பதற்கான போராட்டத்துடன் முற்றிலும் பிணைந்துள்ளது, அதன் மோசமான நெருக்கடியின் மத்தியில், ஆளும் வர்க்கங்களை எதேச்சதிகார ஆட்சி முறைகளுக்கு தூண்டுகிறது. ஜனநாயகத்திற்கான ஒரு உண்மையான போராட்டத்திற்கு தொழிலாள வர்க்கத்தை நோக்கிய திருப்பமும் ஒரு சோசலிச எதிர்காலத்திற்கான போராட்டமும் அவசியப்படுகிறது.